Ultima modifica: 22 Marzo 2013
home > Circolari > Bandu ‘e cuncursu Prémiu de poesia Sarda Remundu Piras

Bandu ‘e cuncursu Prémiu de poesia Sarda Remundu Piras

Pro sos pitzinnos de sas iscolas de tota sa Sardigna

Associazione Culturale Interrios

Bandu ‘e cuncursu
Prémiu de poesia Sarda Remundu Piras – Editzione XXI

Pro sos pitzinnos de sas iscolas de tota sa Sardigna

Su Sòtziu Culturale Interrios de Biddanoa Monteleone in ammentu de su poete Remundu Piras, puru ocannu, organizat su Prèmiu de poesia dedicadu a Issu, lòmpidu a s’editzione nùmeru 21.

Su Bandu de cuncursu

Su Prèmiu Remundu Piras est divìdidu in bator setziones. Duas pro pitzinnos e duas pro mannos

1 Sa prima setzione est reservada a sos pitzinnos de sas iscolas de tota sa Sardigna, dae sa materna a sas mèdias, chi ant a dèvere presentare:

Contos in sardu, a piaghere, registrados in CD, cun sos pitzinnos chi faeddant in cara de sa tzinepresa sena lèghere.

2 Sa segunda est reservada semper a sos pitzinnos de sas iscolas de tota sa Sardigna chi ant a dèvere presentare poesias rimadas in limba sarda.

Presentatzione de sos tribàglios

Sas òperas devent èssere ìnnidas, mai publicadas e mai presentadas in àteros cuncursos literàrios.

Su tema est a su piaghere de chie iscriet.

Sas òperas, in chimbe còpias (pro sos CD andat bene una còpia) devent arrivare a sa segreteria de su Prèmiu Remundu Piras (Via Don Luigi Sturzo 13, 07019 Villanova Monteleone) in busta serrada intro su 10 de Abrile 2013. Sos tribaglios ant a dèvere essere defrimmados cun s’indicu de sas setzione, cun sos indicos de inue istat s’iscola e su nùmeru de telefono puru de sos mastros.

Sa Giuria: Màriu Màsala, Presidente onoràriu, Paulu Pillonca, Presidente.

Giurados:Maria Sale, Poetessa, Frantziscu Piras, fìgiu de Tiu Remundu Piras,Nenaldu Meloni, de su Sòtziu Culturale Interrios.

Su giudìtziu de sa giuria no est sutamissu a cuntrastos.

Sos premios

In ogni setzione b’at unu primu, segundu e tertzu prèmiu, in prus mentziones e signalatziones.

Sos prèmios ant a èssere: libros subra de sa cultura sarda o produtos biddanoesos.

Avertèntzias: Sos tribàglios no ant a èssere torrados in segus e su Sòtziu Culturale Interrios nd’at a fàghere una publicatzione.

Festa de sos premiados

Sos pitzinnos ant a èssere premiados su 26 de maju 2013, a sas ses de sero in su campigheddu a dae in segus de crèsia.

Saludos mannos a totus.